ابووہب الکلبی،ابونعیم کے بقول ان کا نام عبدالملک تھااوروہ دومتہ الجندل کے حاکم تھے،ان کا بیان ہے کہ وہ حضورصلی اللہ علیہ وسلم کے خدمت میں ایسے موقعہ پر حاضرہوئے،کہ آپ صلی اللہ علیہ وسلم دعافرمارہےتھے۔ یحییٰ بن وہب الکلبی نے اپنے والد سے ،انہوں نے داداسےروایت کی کہ رسول کریم صلی اللہ علیہ وسلم نے آلِ اکیدرکوایک فرمان لکھ کردیا،مگرآپ صلی اللہ علیہ وسلم کے پاس اس وقت مہر نہ تھی، اس لیے آپ صلی اللہ علیہ وسلم نے ناخنوں سے نشان لگادیا،ابن مندہ اور ابونعیم نے ان کا ذکرکیاہے۔ ابونعیم کے مطابق وہ دومتہ الجندل کے حاکم تھے اور ان کا نام عبدالملک تھا،مگراسلام قبول نہیں کیا تھا،اورغزوہ تبوک کے موقعہ پر حضورصلی اللہ علیہ وسلم سے ادائے جزیہ پر مصالحت ہوئی تھی اور اس پر سب متفق ہیں۔ ۔۔۔
مزید
ابووہب حشمی رضی اللہ عنہ،انہیں صحبت نصیب ہوئی،اوران سے عقیل بن ہشیب سے روایت کی،عبدالوہاب بن علی نے ابوغالب ماوردی سے،انہوں نے باسنادہ سلیمان بن اشعث سے،انہوں نے ہارون بن عبداللہ سے،انہوں نے ہشام بن سعیدطالقانی سے،انہوں نے محمد بن مہاجرسے،انہوں نے عقیل بن ہشیب سے،انہوں نے ابووہب حشمی سے روایت کی ،اورانہیں حضورِ اکرم صلی اللہ علیہ وسلم کی صحبت نصیب ہوئی،آپ صلی اللہ علیہ وسلم نے فرمایاکہ تم اپنے گھوڑوں کو چھوؤ،ان کے ماتھوں،پٹھوں اوران کے پہلوؤں پرہاتھ پھیرو،اِن کی گردنوں میں پٹے ڈالو اوررسیاں نہ ڈالو،اسی اسناد سے رسول اکرم صلی اللہ علیہ وسلم سے مروی ہے،آپ صلی اللہ علیہ وسلم نے فرمایا،تم ہرکمیت سرخ اورایسے سیاہ گھوڑے کی حفاظت کرو،جس کی پیشانی اورچاروں پاؤں سفید ہوں،تینوں نے ان کاذکرکیاہے۔ ۔۔۔
مزید
ابووہب جیشانی رضی اللہ عنہ،ان کا نام ویلم بن ہویشع یا ابن الہمیع تھا،ان سے عبداللہ بن عمرنے روایت کی ،اورمحمد بن عجلانی نے عمروبن شعیب سے،انہوں نے اپنے والد سے ،انہوں نے داداسے روایت کی،کہ ابووہب جیشانی نے حضورِاکرم صلی علیہ وسلم سے دریافت،یارسول اللہ!ہم انار سے شراب بنایاکرتے تھے،آپ صلی اللہ علیہ وسلم نے فرمایا!ہرنشہ آورچیزحرام ہے،ابنِ مندہ اورابونعیم نے ان کا ذکرکیاہے،لیکن ابوعمرنے جیشانی کا علیحدہ ترجمہ نہیں لکھا،بلکہ اس حدیث کو ابووہب حشمی کے ترجمے میں لکھ دیاہے،اورمزیدلکھا ہے،میں نہیں کہہ سکتا،آیایہ صحابی جشمی ہیں یا جیشانی ہیں،اگرچہ اس اسناد میں حیشانی کا لفظ مذکورہے،لیکن صحیح جشمی ہے،اورانہیں صحبت نصیب ہوئی،اورجیشانی مصری ہیں اورتابعین میں سے ہیں،جوضحاک بن فیروز ویلمی سے روایت کرتے ہیں،ان سے یزید بن ابی حبیب اور جیشان یمنی نے ۔۔۔
مزید
ابوواقدحارث بن عوف لیثی ازبنولیث بن بکر بن عبدمناہ بن کنانہ بن خزیمہ کنانی لیثی،ہم ان کا نسب حارث بن عوف کے ترجمے میں بیان کرچکے ہیں،ان کے نام کے بارے میں اختلاف ہے،کسی نے حارث بن عوف کسی عوف بن حارث اورکسی نے حارث بن مالک لکھاہے،کوئی کہتاہے کہ وہ غزوہ بدرمیں موجودتھےاورکوئی کہتاہے کہ موجودنہیں تھے،اورفتح مکہ کے موقعہ پربنوضمرہ،بنولیث اوربنو سعد بن بکرکے علم ان کے پاس تھےایک روایت میں ہے کہ وہ فتح مکہ کے موقعہ پر اسلام لائے۔لیکن صحیح یہ ہے کہ وہ فتح مکہ میں بہ حیثیت ایک مسلمان کے شریک تھے،مدنی شمارہوتے ہیں،جنگ یرموک میں شامل تھےبعد میں مکے میں ایک سال مجاورکعبہ کی حیثیت سے قائم رہے،پھروفات پاگئےاورمہاجرین کے مقبرے میں بہ مقام فسخ دفن ہوئے،ان کی وفات اڑسٹھ ہجری میں ہوئی جب ان کی عمر۷۵یا۸۵سال تھی۔ ان سے ابنِ مسیب،عروہ بن زبیر ۔۔۔
مزید
ابوواقدنمیری،ابنِ شاہین نے انہیں صحابی شمارکیاہےاورباسنادہ داؤدسے،انہوں نے عبدالرحمٰن سے،انہوں نے ابوخثیم سے،انہوں نے نافع بن سرحس سے،انہوں نے ابوواقد نمیری سے روایت کی کہ جب حضورِاکرم صلی اللہ علیہ وآلہ وسلم لوگوں کو نمازپڑھاتے تھے تو جلدی ختم کردیتے، اورجب انفرادی نمازاداکرتے توزیادہ دیرصرف فرماتے،ابوموسیٰ نے ان کا ذکرکیاہے۔ ۔۔۔
مزید
ابوواثلہ ہذلی،عبدالوہاب بن ہبتہ اللہ نے باسنادہ عبداللہ بن احمدسے،انہوں نے اپنے والدسے،انہوں نے یعقوب سے،انہوں نے اپنے والدسے،انہوں نے ابن اسحاق سے،انہوں نے ابان بن صالح سے،انہوں نے شہربن جوشب اشعری سے،انہوں نے رابہ نامی ایک شخص سے جوان کے قبیلے کاتھااورجواپنے باپ کے مرنے کے بعد اپنی ماں کے لئے اس کاقائم مقام ہوگیاتھا،یہ صاحب عمواس کے طاعون میں موجودتھے،جب اس بیماری نے زورپکڑا تو ابوعبیدہ بن جراح نے لوگوں کو خطبہ دیااورکہا،اے لوگو!بیماری اللہ تعالیٰ کی رحمت ہےتمہارے پیغمبر کی دعوت ہے،اور تم سے پہلے گزرے ہوئے صالحین کی موت ہے، اس لئے ابوعبیدہ اللہ سے دعاکرتاہےکہ اسے اس سے حصہ عطافرمائے،چنانچہ انہیں پھوڑانکلا،اورفوت ہوگئے۔ ابوعبیدہ نے معاذ بن جبل کو اپناجانشین مقررکردیاتھا،جب ان کی موت کاوقت قریب آیا ،توانہوں نے عمروبن عاص کو۔۔۔
مزید
ابوودیعہ،جعفرمستغفری اورارغیانی نے انہیں صحابہ میں شمارکیاہے،جعفرنے ان کا نام خذام بن خالد لکھا ہےجوخنساء کے والد تھےیاکوئی اورابومعشرنے سعیدالمقبری سے،انہوں نے اپنے والد سے،انہوں نے ابوودیعہ سے روایت کی،حضورِاکرم نے فرمایا،جوشخص جمعہ کے دن اس طرح غسل کرے،جیسے جنابت سے کیاجاتا ہے،پھرکوئی خوشبویاتیل جومیسر ہولگائےاورمسجد میں جاکرخاموشی سے امام کے قریب بیٹھ جائے اگراس نے دوجمعوں میں یہ سلسلہ قائم رکھاتودونوں جمعوں کے دَوران میں اس سے جوقصور سرزدہوئے ہیں،وہ معاف کردئیےجائیں گے،ابوموسیٰ نے ذکرکیاہے۔ ۔۔۔
مزید
ابووجوح انصاری یابلوی اس بناپروہ انصارکے حلیف ہوں گے،منیعی اور ارغیانی نے ان کاذکرکیاہے ابن لہیعہ نے حارث بن یعقوب سے،انہوں نے ابوشعیب مولیٰ ابووجوح سے روایت کی کہ ہم نے ایک مُردے کونہلایااورپھرچاہاکہ غسل کریں،کہ اس دوران میں وجوح حضورِاکرم کے مصاحب وہاں آگئے،وہ کہنے لگے،بخداہم نے توزندگی میں نجس ہیں اور نہ بحالت موت، بلکہ مجھے تو خدشہ ہے کہ غسل میت سنت نہ ہو،ابونعیم اورابوموسیٰ نے ان کا ذکرکیاہے۔ ۔۔۔
مزید
ابویاس کنانی دیلی،یہ ابواسود دیلی کے قبیلے سے تعلق رکھتے تھے،قبیلے کے سردار تھےاور ساریہ بن زینم کے بھتیجے تھے اور شاعر تھے،حضورِاکرم کے بارے میں انہوں نے کہا۔ وماحملت من ناقۃ فوق رحلھا ابرو اوفی ذمۃ من محمد (ترجمہ)آج تک کسی اونٹنی کے پالان پر رسولِ اکرم صلی اللہ علیہ وسلم سے بڑھ کر کوئی راست باز اور اپنی ذمہ داریوں سے اچھی طرح عہدہ برآہونے والاکوئی آدمی نہیں دیکھا گیا۔ ان کا بیٹابھی شاعر تھا،جن کا نام انس بن ابی یاس تھا،جب حکم بن عمروالغفاری حاکمِ خراسان فوت ہونے لگا تو اس نے انس کو اپنا جانشین مقررکردیا،لیکن زیاد نے انہیں معزول کر کے خلیدبن عبداللہ الحنفی کو عامل بنادیا،اس پر انس نے ذیل کے دو اشعار کہے۔ الا من مبلغ عنی زیادا مغلغلۃ تخب بھا البرید اتعزلنی وتطعمھا خلیدا لقد لاقت حن۔۔۔
مزید
ابویحییٰ رضی اللہ عنہ،ان کا نام شیبان تھا،اورابوہریرہ کے داداتھے،کوفی شمارہوتے ہیں،ابوہیرہ یحییٰ بن عباد بن شیبان نے اپنے والدسے،انہوں نے داداسے روایت کی کہ میں مسجد نبوی میں آیااورحضور اکرم کے حجرے کی طرف گیااورآہستہ سے آواز نکالی،حضور نے فرمایا،ابویحییٰ ہو،عرض کیا،ابویحییٰ ہوں،یارسول اللہ!فرمایاکل آنا،میں نے گزارش کی میں آج روزے کا ارادہ کررہاہوں،آپ صلی اللہ علیہ وسلم نے فرمایا،میراارادہ بھی یہی ہے،لیکن ہمارے مؤذن کی آنکھیں دُکھتی ہیں وہ صحیح اندازہ نہ کرسکا اور طلوع صبح سے پہلے ہی اذان دے دی ہے،ابن مندہ اور ابونعیم نے ان کا ذکرکیاہے۔ ۔۔۔
مزید
خوش آمدید