محمد بن اسحاق بخاری کلا باذی: اپنے وقت کے امام اصول و فروع تھے، کنیت ابو بکر تھی۔فقہ شیخ محمد بن فضل سے پڑھی اور ایک کتاب تعرف نام تصنیف فرمائی جس میں توحید کے معاملہ میں اصحاب حنفیہ کے اقوال کو جمع کیا۔[1]

1۔ تاج الاسلام ابو بکر محمد بن اسحاق ابراہیم بن یعقوب کلا باذی بخاری محدث  فقہیہ اور صوفی تھے۔ کلابازی بخارا کا ایک محلہ ہے آپ کی کتاب ’’تعرف لمذہب اہل تصوف‘‘ کا انگریزی ترجمہ پروفیسر آربری نے ۱۹۳۵ھ میں شائع کیا اور اردو ترجمہ ایک محققانہ مقدمے کے ساتھ ڈاکٹر پیر محمد حسن نے ۱۳۹۱ھ میں لاہور میں شائع کیا۔انکی دوسری کتاب ’’بحر الفوائد فی معانی الاخبار‘‘ ہے۳۸۵ھ میں بخارا مین وفات پائی(اردو انسائیکلوپیڈیا آف اسلام) اس کے علاوہ ’’اربعون حدیث‘‘ ’’اور الشفاع والا رتاد‘‘ بھی آپ کی تصانیف ہیں(مرتب)

(حدائق الحنفیہ)