ابوالبصرہ الغفاری،ان کے نام کے بارے میں اختلاف ہے،کسی نے حمیل (بہ جا) کسی نے جمیل اور کسی نے کچھ اور لکھاہے،ان کا ذکر پیشترازیں حمیل بن بصرہ بن وقاص بن حبیب بن غفار کے عنوان کے تحت ہوچکا ہے،حضرت ابوہریرہ کی ملاقات ان سے ہوئی،اور ان سے روایت کی،منصور بن ابوالحسن طبری نے باسنادہ ابویعلی سے،انہوں نے ابوعمروالناقد سے،انہوں نے یعقوب بن ابراہیم بن سعد سے،انہوں نے ابی سے،انہوں نے محمد بن اسحاق سے(جوابوتمیم جثانی کے ایک ثقہ آدمی تھے)انہوں نے ابونصرہ غفاری سے روایت کی کہ حضورِاکرم نے انہیں نمازِ عصر پڑھائی،جب آپ نماز پڑھاچکے(یعقوب نے اسے دہرایا،اور کہا ،کہ جب آپ نمازختم کر کے مڑے)توفرمایا،یہ نماز تم سے پہلی امتوں پر بھی فرض کی گئی تھی،لیکن انہوں نے تساہل کیا،اور نماز ترک کردی،تم میں سے جو آدمی بھی اس نمازکو باقاعدہ ادا کریگا،اسے اس کا دوگنا ثواب ملے گا،اور اس نماز کے بعد ستارے کے ظاہرہونے تک ا۔۔۔
مزید
ابوالدردالمازنی مازن الانصار،حضورِاکرم نے ان کی کنیت ابوالدرد رکھی تھی،ان کانام حرب تھا،انہوں نے مصر میں سکونت کرلی تھی،ان کی حدیث کے راوی ان کے بیٹے ہیں،ابن لہیعہ نے یزید بن ابی حبیب سے،انہوں نے لہیعہ بن عقبہ سے،انہوں نے ابوالوردمازنی سے روایت کی،رسولِ کریم صلی اللہ علیہ وسلم نے تنبیہ فرمائی،"تم سُست رفتارسواروں سے محتاط رہو،اگروہ تم سے مل گئے تو تمہیں چھوڑ دیں گےاوراگرتم نے ان پر کامیابی حاصل کی،توتمہیں فریب دیں گے"۔ عمربن محمدبن طبرز وغیرہ نےابوالقاسم ہبتہ اللہ بن محمدسے،انہوں نے محمدبن محمد غیلان سے،انہوں نے ابوبکرالشافعی سے،انہوں نے محمدبن لیث جوہری،احمدبن یعقوب مقری اوراحمدبن محمدالسعدی سے،ان سب نے جبارہ سے،انہوں نے ابن مبارک سے،انہوں نے حمید الطویل سے،انہوں نے ابن ابی الوردسے۔انہوں نے اپنے والد سے روایت کی،کہ حضورِاکرم صلی اللہ علیہ وسلم نے دیکھا کہ میں ایک سُرخ رنگ کا آدمی ہوں،ا۔۔۔
مزید
ابوالدرداء ،ان کانام عویمربن مالک بن زید بن قیس بن امیہ بن عامر بن عدی بن کعب بن خزرج بن حارث بن خذرج تھا،ایک روایت کے رُو سے ان کا نام عامر بن مالک تھا،اورعویمرلقب ،اورعویمر کے ترجمے میں ہم تفصیل سے لکھ آئے ہیں،ان کی والدہ کا نام محبہ دخترواقدبن عمرو بن اطنابہ تھا، انہوں نے قبولِ اسلام میں ذرادیرکی تھی،جبکہ ان کے گھرکے سب لوگ اسلام قبول کرچکے تھے، انہوں نے حسنِ عمل سے اسلام کی خدمت کی،یہ فقیہہ،دانش اور حکیم تھے،رسولِ کریم صلی اللہ علیہ وآلہ وسلم نے ان میں اور سلمان فارسی میں مواخات قائم کرد ی تھی،حضورِاکرم نے فرمایاتھا، ابوالدرداء میری امت کا فلسفی ہے،غزوۂ ِاحد کے بعد تمام غزوات میں شریک رہے،البتہ غزوۂ احد میں ان کی شمولیت کے بارے میں اختلاف ہے۔ عبداللہ بن احمد خطیب نے جعفر بن ابومحمد قاری سے،انہوں نے ابوالقاسم علی بن حسین بن محمد بن عبدالرحیم سے،انہوں نے محمد بن حسن بن عبدان سے،انہ۔۔۔
مزید
ابوصعیر،ثعلبہ بن ابوصعیربن زیدبن سنان بن مہتجن بن سلامان بن عدی بن صعیربن حرازبن کاہل بن عذرہ بن سعد بن ہذیم العذری کے والد تھے،ان کی حدیث کے راوی ان کے بیٹے ثعلبہ ہیں۔ خالد بن ابوخداش نے عمادبن زید سے ،انہوں نے نعمان بن راشدسے،انہوں نے زہری سے، انہوں نے ثعلبہ بن ابوصعیرسے،انہوں نے اپنے والد سے روایت کی کہ رسولِ اکرم صلی اللہ علیہ وسلم نے فرمایا،کہ ہر چھوٹے بڑے ،آزاداورغلام،مرداورعورت کا فطرانہ ایک صاع گندم یا ایک صاع کھجورہے،محمد بن موکل نے اسے مؤجل سے،انہوں نے حماد سے،انہوں نے زہری سے، انہوں نے ثعلبہ بن ابومالک سے اورانہوں نے اپنے والدسے روایت کی،اورابنِ جریح نے اسے زہری سے،انہوں نے عبداللہ بن ثعلبہ سے مرسلاً روایت کی،اورہمام نے بکرالکوفی سے ،انہوں نے زہری سے،انہوں نے عبداللہ بن ثعلبہ بن صعیرسے،انہوں نے اپنے والدسے روایت کیا،اورمعمر نے زہری سے،انہوں نے اعرج سے،انہوں نے ابوہریرہ سے روای۔۔۔
مزید
ابوقیس صرمہ رضی اللہ عنہ بن ابوانس بن عدی بن عامربن غنم بن عدی بن نجار،یہ ابنِ اسحاق کا قول ہےاورقتاوہ کے مطابق ابوقیس بن مالک بن صفرہ ہے اورایک روایت میں مالک بن حارث ہے، لیکن ابنِ اسحاق کاقول درست ہے۔ ابنِ اسحاق کا قول ہے کہ ابوقیس نے رہبانیت اختیارکرلی تھی،اوروہ اون کے کپڑے پہنتے تھے،بتوں کے قریب نہیں جاتے تھے،اورجنابت کے بعد غسل کرتے تھے،عیسائی ہونے کا ارادہ کیاتھا، مگر پھر رُک گئے تھے،اپنے گھر میں ایک کمرے کو مسجد بنایاہواتھا،جس میں حائضہ اورجنبی کو گھسنے نہیں دیتے تھےاورکہتے تھے،کہ وہ ربّ ابراہیم کی عبادت رکتے ہیں،جب حضور صلی اللہ علیہ وسلم تشریف لائے،توانہوں نے اسلام قبول کرلیا،اوراچھے مسلمان ثابت ہوئے،وہ اس وقت کافی بوڑھے ہوچکے تھے۔ زمانہ جاہلیت میں بھی حق اور صداقت کے زبردست حامی تھے،چنانچہ اس باب میں انہوں نے عمدہ عمدہ اشعارکہے۔ (۱)بقول ابوقیس واصبح ناصحاً الاماستطعتم من و صا۔۔۔
مزید
ابوصفرہ،ان کا نام ظالم بن سراق تھا،اورایک روایت میں سارق بن صبیح بن کندی بن عمرو بن عدی بن وائل بن حارث بن عتیک بن عمران بن عمرو مزیقیابن عامربن ماء السماءبن حارثہ بن امراءالقیس بن ثعلبہ بن مازن بن ازدلازدی العتکی ہے،اوروہ مہلب بن ابوصفرہ کے والد تھے،بصرے میں سکونت تھی،حضورکے عہد میں مُسلمان ہوگئے تھے،لیکن درباررسالت میں حاضرنہ ہوسکے، البتہ حضرت عمر رضی اللہ تعالیٰ عنہ کے دورخلافت میں دس ۱۰ بیٹوں کے ہمراہ جن میں ان کے چھوٹے بیٹے مہلب بھی شامل تھے حاضرہوئے تھے،حضرت عمر انہیں دیکھتے رہے،اورعلامات کا اندازہ لگاتے رہے،پھرابوصفرہ سے کہنے لگے،تمہارایہ بیٹاسب کا سردارہے۔ ایک روایت میں ہے کہ ابوصفرہ نے اپنے مال کی زکوۃ حضورِاکرم کو اداکی،مگرزیارت سے محروم رہے ایک اورروایت میں ہے کہ وہ اپنے بیٹے کے ساتھ حضرت صدیق کے دربارمیں حاضرہوئے تھے،تینوں نے انکاذکرکیاہے۔ ۔۔۔
مزید
ابوصفوان مالک بن عمیرہ،ایک روایت میں مالک بن عمیر،ایک میں سویدبن قیس سلمی بروایتے ربیعہ بن نزار سے تھے،ابواحمد عسکری نے انہیں بنواسد بن خزیمہ میں شمارکیا ہےاوران کا نام ابوصفوان مالک بن عمیر اسدی لکھاہے۔ عمروبن مرزوق نے شعبہ سے ،انہوں،سماک بن حرب سے،انہوں نے ابوصفوان مالک بن عمیر سے روایت کی،کہ میں نے حضورِاکرم کے لئے اس شخص سے شلوارکاکپڑا تین روپے کا خریدا،اس نے کپڑاماپا،اورتھوڑاسازیادہ دیاابوفطن عمروبن ہیشم نے شعبہ سے ،انہوں نےسماک سے،انہوں نے ابوصفوان سے اسی طرح روایت کی۔ اورثوری نے اسے سماک سے،انہوں نے سوید بن قیس سے روایت کی،کہ انہوں نے اورمحزفتہ الہجری نے ہجرسے بچنے کے لئے کچھ گندم خریدا،اتنے میں حضورِاکرم وہاں تشریف لے آئے اور مجھ سے ایک آدمی نے شلوار کے لئے کپڑاخریدا،آپ نے اپنے والد سے فرمایا،کپڑاقیمتاً ماپ کر دو،اور تھوڑا سے زیادہ دے دیاکرو،تینوں ذکرکیا ہے۔ ۔۔۔
مزید
ابوسیف القین،ام سیف(جوحضوراکرم کے صاحبزادے ابراہیم کودودھ پلاتی تھیں)کے خاوند تھے،ثابت نے بواسطہ انس حضورِاکرم سے روایت کی،آپ نے فرمایا،میرے یہاں رات کو ایک بچہ پیداہوا،جس کانام میں نے اپنے ابوالاباء کے نام پر رکھا،اوربچے کو ابوسیف کی بیوی ام سیف کے حوالے کرناچاہا،کہ وہ اسکی پرورش کرے حضوربچے کو لے کران کے گھرگئے،ابوسیف دھونکنی دھونک رہے تھےاورگھر دھوئیں سے بھراہواتھا،انس کہتے ہیں،میں بھاگ کر ابوسیف کی پاس گیا، اورکہا،رک جاؤ،کہ حضورِاکرم تشریف لائے ہیں،چنانچہ وہ رُک گئے،ابوموسیٰ اورابونعیم نے ذکر کیا ہے۔ ۔۔۔
مزید
ابوصخرعقیلی،بصری تھے،مسلم بن حجاج نے انہیں صحابی لکھاہے،بقول ابوعمران کانام عبداللہ بن قدامہ تھا،ان سے عبداللہ بن شفیق نے ایک حدیث حسن دربارہ علاماتِ نبوت بیان کی ہے،سالم بن نوح نے سعید الجریری سے،انہوں نے عبداللہ بن شفیق سے،انہوں نے ابوصخرعقیلی سے روایت کی کہ وہ حضورِاکرم کے زمانے میں ایک بارمدینے میں ایک شیراوراونٹنی بیچنے آئے،جب وہ بک گئی، تو خیال آیاکہ کیوں نہ حضورِاکرم کی زیارت کرلوں،اتفاقاًمجھےراستےمیں سرکارمل گئے،ابوبکراورعمر ساتھ تھے،میں بھی آپ کے پیچھے پیچھے چل دیا،اتنے میں ایک یہودی وہاں سے گزرا،جوتوریت پڑھ رہاتھا،اوراپنے قریب المرگ بیٹے پرآنسوبہارہاتھا،حضورِاکرم اس کی طرف چلے،تومیں بھی ادھرکو ہولیا،حضورنے اس سے فرمایا،اے یہودی،میں تجھے اس خداکی قسم دیتاہوں،جس نے توریت اتاری اورجس نے بنی اسرائیل کے لئے بحیرۂ احمرمیں راستہ بنادیا،میں تجھے زبردست قسم دیتاہوں، کیاتوریت میں میر۔۔۔
مزید
ابوالاسود تمیمی،جعفرنے ان کا ذکرکیا ہے،ان سے رزاق نے،انہوں نے معمر سے،انہوں نے بنوتمیمی کے ایک شیخ سے،انہوں نے اپنے ایک شیخ سے،جس کا نام ابوالاسود تھا،سنا،کہ انہوں نے حضورِاکرم صلی اللہ علیہ وسلم سے سُنا،آپ نے فرمایا،جھوٹی قسم کھانے سے عورتیں بانجھ ہو جاتی ہیں،ابوموسیٰ نے اس کا ذکر کیا ہے۔ ۔۔۔
مزید
خوش آمدید