نعت سَیُّداْلَابْرارﷺ

اللہ اللہ کتنا عالی مرتبت دربار ہے
ہر طرف انوار کی یلغار ہی یلغار ہے
سُینّو مُثردہ کہ ساماں مغفرت کا ہوگیا
شافع محشر نبی ﷺ ہیں اور خدا  غَفَّار ہے
 دل کھنچے جاتے ہیں اس آواز پر پروانہ وار
کتنی دلکش کیسی شیریں آپ کی گفتار ہے
حشر میں کل ڈھونڈ لیں گی اس کو حق کی رحمتیں
جس کے لب پر آج نعتِ سید الابرار ﷺ ہے
حاؔفظ اب تجھ پر نہ ہو کیوں غوثِ اعظم کی نظر
تو بھی اک ادنی غلامِ احمدِ مُختارﷺ ہے
(اگست ۱۹۷۱ء)